Цигари
Традицијата на производство на цигари во Прилеп датира од почетокот на дваесеттиот век кога постоеле неколку т.н. „фабрики” за сечен тутун. Овој факт, заедно со многу подолгата традиција во познавањето и производството на тутун, создаде услови за исклучително брз развој на производството на цигари во рамките на Комбинатот. Но, современото, индустриско производство на цигари отпочнува веднаш по Втората светска војна. Во 1955 г. е изграден посебен објект за производство на цигари со опрема за квалитетно одвивање на сите фази на тоа производство.
Во шеесеттите години е изградена сегашната, нова фабрика со врвни светски техничко-технолошки решенија. Но следејќи ги најновите светските достигнувања во техниката и технологијата на производство на цигари, стручните тимови на Комбинатот во наредните децении извршија понатамошна модернизација на Фабриката. Располага со современа подготовка на тутунот, со високопродуктивни машини за модерна изработка на цигари и со можности за современ дизајн на различните видови пакувања.
