Нови програми - Едукација

 ТКП разви нова едукациона програма - Школа за ориенталски тутун – со цел да се пренесат основните познавања за успешно одгледување и преработка на ориенталски тутун.

Школата состои од два дела:

Првиот дел содржи запознавање со најновите агротехнички мерки и постапки за одгледување на тутунот на нива. Развиеното современо производство на тутун вклучува современи научни и стручни знаења не само од неговата потесна област на производство на тутун, туку и пошироки знаења за модерните развојни трендови во земјоделството, а особено од заштитата на човековата средина.

Во вториот дел се врши практична едукација за постапките и техниките на преработка на тутун при процесирањето; сезонска и вонсезонска ферментација, манипулација, чување на готов производ.

Школата се состои од двонеделни курсеви кои ги држат нашите експерти за тутун.